Бу атнада иң күп эшсез калучылар азлап һәм күпләп сату өлкәсендә теркәлгән

26 нче октябрьдан алып 1 нче ноябрьга кадәр вакыт аралыгында республикада иң күп эштән китүче 105 кеше моңа кадәр азлап һәм күпләп сату өлкәсендә эшләгән. Шулай ук, иң күп эштән киткән 82 кеше эшкәртү сәнәгате өлкәсендә хезмәт куйган.

Башка тармакларда караганда эшеннән азат ителгәннәр саны болайрак билгеләнә: икътисад эшчәнлеге – 35, транспорт һәм элемтә – 26, күчемсез мөлкәт белән операцияләр – 42, дәүләт идарәсе – 54, төзелеш – 33, сәламәтлек саклау – 16, мәгариф өлкәсе – 43, социаль-коммуналь шәхси хезмәтләр күрсәтү – 27, авыл хуҗалыгы, аучылык, урман хуҗалыгы – 28, файдалы казылмалар табу – 11, электроэнергия, газ, су җитештерү һәм тарату – 11, кунакханә һәм ресторан бизнесы – 12.