4, 5 һәм 6 нчы ноябрь – ял көннәре

Оешма һәм предприятиеләр хезмәткәрләренең күпсанлы мөрәҗәгатьләре белән бәйле рәвештә Хезмәт, халыкны эш белән тәэмин итү һәм социаль яклау министрлыгы хәбәр итә.

Россия Федерациясе Хезмәт кодексының 112 нче статьясы нигезендә, 4 нче ноябрь – Халыклар бердәмлеге көне – ял көне булып санала.

Татарстан Республикасының 1448-XII номерлы "Бәйрәм көннәре һәм истәлекле даталар турында" Закон нигезендә, 6 нчы ноябрь – Татарстан Республикасы Конституциясе көне шулай ук ял көне.

Россия Федерациясе Хезмәт кодексының 95нче маддәсе нигезендә ноябрь бәйрәм алды көннәрендә эш вакыты бер сәгатькә кими.

Татарстан Республикасының 67-ТРЗ номерлы “ТР законының 1 статьясына үзгәреш кертү хакында "Бәйрәм көннәре һәм истәлекле даталар турында" Закон нигезендә ял көне белән бәйрәм көне туры килү сәбәпле өстәмә ял көне бирелми.

Шулай итеп, 2016 елда биш көнлек эш атнасында 4, 5 һәм 6 нчы ноябрь – ял көннәре булачак.