Тукай халыкны социаль тәэмин итү комплекслы үзәге белгечләре тренировка өйрәтмәдә катнашты

Тукай "Шәфкать" халыкка социаль хезмәт күрсәтү үзәгенең хуҗалык бүлеге мөдире Ольга Мифтахова хезмәткәрләр арасында террорчылык акты янаган очракта үз-үзеңне тоту тренировкасы уздырды.

Үзәк персоналы тиз арада һәм төгәл итеп террорчылык куркынычы янаган сигналны отып алды.

Барлык катнашучыга да уяулыкны эштә генә түгел, ә теләсә кайсы җәмәгать урынында саклый белергә кирәклеге турында җиткерделәр.

Тренировка ахырында террорчылыкка каршы юнәлтелгән видеороликлар һәм презентацияләр күрсәтелде.