13-14 сентябрь көнне Түбән Новгород "Изумруд" ял базасында психоневрологик интернатлар карамагындагы балалар арасында ел саен уздырыла торган халыкара мини-футбол буенча "SENI CUP-2016" турниры узды.
Ярышта 8 Идел буе командасы катнашты. Татарстан Республикасын яшел Үзән һәм Казан психоневрологик интернатлары яклады.
Көрәш нәтиҗәсе буенча 1 урынны Городец шәһәре командасы алды. 2 нче урынга исә Яшел Үзән футболчылары лаек булды, 3-5 урыннарны бертөрле очко саны булган командалар яулап алды.
"Әлеге турнир бик күп якты, онытылмаслык хис-кичерешләр генә калдырды. Барлык катнашучылар һәм җанатарлар канәгать калып, "Изумруд" ял базасына әйләнеп кайтуын көтеп калды” - дип Яшел Үзән психоневрологик интернаты белгечләре нәтиҗә ясады.