Мамадыш "Забота" социаль-тернәкләндерү үзәгендә спорт һәм мәдәни-массакүләм чаралар уздырыла.
1 сентябрь көнне биредә шахмат-шашка турниры узды. Социаль-реабилитация бүлеге мөдире Наталья Кекишева җиңүчеләргә истәлекле бүләкләр тапшырды. Оештыручылар сүзләре буенча, мондый ярышлар өлкәннәрнең хәтерләрен камилләштерергә булыша.
2 сентябрь көнне үзәк китапханә хезмәткәрләре терроризмга каршы көрәшкә багышланган чара уздырды. Китапханәчесе Инна Калинина Бесланда булган вакыйгалар турында сәйләде. Әңгәмәдә катнашучы пенсионерлар һәм инвалидлар бу темага караган үз фикерләрен әйттеләр.