Шушы көннәрдә Тукай районы "Шәфкать" халыкка социаль хезмәт күрсәтү үзәгендә мөмкинлекләре чикле балаларның "Без бергә күбрәк булдырабыз!" иҗат фестивале узды. Бу елны ул Габдулла Тукай тууына 130 ел тулуга һәм Тукай районының 40-еллыгына багышланган
Әлеге фестиваль "Парус надежды" Республика конкурсының сайлап алу этабы булды. Монда Тукай районының 18 авыл җирлегеннән 70 бала катнашты.
Әлеге чараның төп максаты - балаларга иҗат төрләрендә ачылу мөмкинлеге бирү, аларны үстерү өчен шартлар булдыру. Фестиваль программасында җиде номинация тәкъдим ителде.