Танып белү дәресе Түбән Каманың “Балкыш” приютында узды

Шушы көннәрдә Түбән Каманың "Балкыш" балалар һәм яшүсмерләр өчен социаль приютында танып белү дәресе узды. Ул дөрес туклануга юнәлтелгән иде.

Әлеге чараның максаты – балаларны файдалы азык-төлек, витаминнар белән таныштыру.

Дәрес театральләштерелгән тамаша белән башланып китте, монда балалар үзләре яшелчә һәм җиләк-җимеш ролен башкарды. Приют тәрбиячесе Антонина Иванова уен формасында юнәлтүче сораулар бирде. Балалар дөрес туклану турында фикерләрен әйтте.