Бүген Лениногорскның халыкны эш белән тәэмин итү үзәгендә вакантлы эш урыннары ярминкәсе уздырылды.
Чарада түбәндәге предприятие һәм оешмаларның кадрлар хезмәте белгечләре катнашты: ДАССО "Лениногорск район хастаханәсе", ҖЧҖ "Лениногорск Агрофирмасы", ҖЧҖ "Водоканал", ҖЧҖ "Шифа-8", ҖЧҖ "Сервис үзәге-3", ҖЧҖ "Төзекләндерү һәм яшелләндерү", ААҖ "Наско", МБОУ СОШ №4, ҖЧҖ "Лениногорск җылылык челтәрләре һ.б.
Биредә 53 вакансия тәкъдим ителде. Алар арасында: инженер, гомуми практика табибы, автомобиль йөртүче, слесарь, кече тәрбияче, иминиятләштерү агенты, педагог-психолог, менеджер, урам себерүче, санитарка.
Ярминкәдә барлыгы 115 кеше катнашты, шуларның 6 сы эшкә урнашу өчен юлламалар алды.