Түбән Каманың "Балкыш" балалар һәм яшүсмерләр өчен социаль приютында тәрбияләнүчеләргә уеннар ярдәмендә яңа белем бирәләр. Шулай, биредәге балалар аппликация ясауның яңа төрен - торцеваниены үзләштерәләр.
"Торцевание - кәгазь ярдәмендә кул эшләнмәсенең бер төре. Ул тырышлык, игътибар һәм пөхтәлек таләп итә. "Әлеге төр аппликация ясау балаларның мотирикасын, хәрәкәтләрнең төгәллеген, фантазия, абстракт фикерләүне үстерә", - дип ассызыклады приют педагогы Анжелика Пушкова.