Алабуганың өлкәннәр һәм инвалидлар өчен интернат йортында яшәүчеләр хәйрия концертында катнашты.
Оештырылган чара Танайка авылы, Алабуга шәһәре, Казан шәһәре иҗат коллективларын һәм авторлары-башкаручыларын берләштерде.
Концерт барышында "Фиеста" һәм "Каскад" бию коллективлары, "Элегия" вокаль ансамбле, В. Виноградов, В. Кузнецов, Д. Пензин чыгыш ясады.
Интернат-йорт белгечләре билгеләвенчә, бу кичә карамактагылар өчен истәлекле булды. Чөнки өлкән кешеләр һәрвакыт яхшы мөнәсәбәткә, аралашуга мохтаҗ.