Балтач “Наз” үзәге белгечләре социаль һәм медицина хезмәткәрләре өчен чираттагы чара уздырдылар

Бүген Балтачның “Наз” халыкка социаль хезмәт күрсәтү комплекслы үзәгендә ай саен уздырыла торган социаль һәм медицина хезмәткәрләре җыелышы узды. Чарада 44 социаль һәм 8 медицина хезмәткәре катнашты.
    “Наз” директоры Гөлнара Ахмадиева үзәк эшенең төп аспектлары турында сөйләде. Өйгә килеп социаль хезмәт күрсәтү бүлеге мөдире Әнисә Хәйруллина “Осторожно мошенничество” темасына лекция уздырды һәм таныш булмаган кешеләр тарафыннан өлкәннәргә янаган куркынычлыклар белән таныштырды. Барлык хезмәткәрләргә өлкәннәрне таныштыру өчен “Осторожно – мошенники!” дигән белешмәлек тараттылар.