Арчаның өлкәннәр һәм инвалидлар интернат-йортында “Җиңүнең 70 тавышы” исемле уку марафоны үтте

          Арчаның өлкәннәр һәм инвалидлар интернат-йортында Бөек Җиңүнең 70 еллыгына багышланган  “Җиңүнең 70 тавышы” исемле уку марафоны уздырылды.

          Әлеге чарада төрле яшьтәге кешеләр, төрле һөнәр ияләре, интернат-йортта яшәүчеләр һәм эшләүчеләр дә катнашты. Марафонда түбәндәге шагыйрьләрнең русча һәм татарча шигырьләре укылды: В. Шефнер “Начало войны”; М.Җәлил “Кызыл Ромашка”, «Вәхшәт»; Н. Селезнев «Последний первый бой»; Н. Әхмәдиев “Солдат хатлары”; К. Симонов«Жди меня, и я вернусь...»; Ф.Кәрим «Ватаным өчен»; М. Кәрим «Билгесез солдат»; Д. Ахметзянов «Бурычлы без сезгә, Ветераннар!»; А.Ахматова «Победа».

          Мондый чара бик кызыклы һәм эчтәлекле булды. Сугыш чорында яшәүчеләр шул елларны  искә алдылар. Яшьләр дә сугыш төшенчәсе Бөек җиңүнең никадәр авырлыклар белән килүен күзалладылар.