Бөгелмәнең "Ялкын" социаль приютында "Сәламәт булу яхшы!" дигән чара уздырылган

Бөгелмәнең "Ялкын" социаль приютында "Сәламәт булу яхшы!" дигән  Бөтендөнья сәламәтлек көненә багышланган чара уздырылган.  Тәрбиячеләр бу көнне "Яхшы һәм яман гадәтләр", "Сәламәт булу нәрсә дигән сүз", "Микроблар нәрсә ул", "Витаминнар -организм сакчылары" дигән темаларга дәресләр уздырганнар.
Балаларга "Сәламәт булу яхшы" дигән физкультура-спорт бәйрәмендә катнашу ошаган. Алар спорт ярышларында гына түгел, бию, җыр, шигырь сөйләүдә дә көч сынашканнар.
Белгечләр әйтүенчә, сәламәтлек көне приютта ел саен уздырыла. Моның файдасы зур, ди алар.