Казанның халыкка социаль хезмәт күрсәтү үзәгендә терроризмны кисәтү буенча программа кысаларында чара үткәргәннәр

Шушы көннәрдә Казанның Авиатөзелеш районы гаиләгә һәм балаларга социаль ярдәм бүлекчәсендә социаль хезмәтләргә мохтаҗ балигъ булмаганнар өчен "Әйләнә-тирәмдәге дөнья" дигән чара уздырылган.  Тренинг барышында балалар аралашуның төрле ысулларын караганнар, коммуникацияләр урнаштырган чакта ым, ишарәләрнең мөһимлегенә төшенгәннәр. Аеруча зур кызыксыну белән балалар лего-төзү ысулы белән тылсымлы шәһәр проектын төзегән. Бергә эшләгән чакта алар үзара аралашуның төрле алымнарын гамәлдә сынап караганнар.