Лениногорскиның «Ал парус» үзәгендә Җиңү бәйрәменә әзерлек бара

Шушы көннәрдә Лениногорскиның  «Ал парус» үзәгендә тернәкләнү узучы балалар Җиңү бәйрәменә әзерлек кысаларында Бөек Ватан сугышы ветераны гаиләсенә барып килгәннәр. Әбүзәр Мостафин Сталинград сугышында катнашучы, ә аның хатыны Әнвәрия Мостафина - тыл хезмәтчәне.
Чәй өстәле артында алар балаларга фронтовик тормышыннан бик күп кызыклы хикәятләр сөйләгәннәр, сугышкан өчен  бүләкләр, орлен-медальләрен күрсәткәннәр. Балалар бу очрашудан шуны аңлаганнар - бу дөньяда иң кыйммәтле, кадерле нәрсә ул - тынычлык.