Бүген Казанда “Әниемә чәчәк бәйләме” дигән республика акциясе узачак
Бүген Г.Камал исемендәге Татар дәүләт академия театрында Әниләр көненә багышланган “Әниемә чәчәк бәйләме” дигән республика акциясе узачак. Бөек Җиңүнең 70 еллыгын бәйрәм итүгә әзерлек кысаларында бу елны тантаның кунаклары аналар - Бөек Ватан сугышында ирләре үлгән тол хатыннар, тыл хезмәтчәннәре булачак.
Бәйрәм чарасы алдыннан театр бинасы фойесында тематик күргәзмә эшләячәк. Алар барысы да чатыр формасында булып, “Ана-хуҗабикә”, “Ана һәм бишек”, “Ана-хикәятче”, “Ана - кул эшләре остасы”, “Ана-каһарман” дигән темаларга багышлана. Чарага килгән кунаклар аларга кереп, балалар бүлмәсе, авыл йорты инсталляцияләрен, басуда эшләүче хатын-кызның ял вакыты күренешләрен күзәтә алачак. Аннан тыш, бутоньеркалар, талдан үргән эшләнмәләр, саклаучы курчаклар ясау буенча мастер-класслар да эшләп торачак.
Бәйрәм тантанасы күренекле артистлар, балаларның хореография ансамбльләре, коллективлары катнашында матур, зур концерт белән үрелеп барачак.