Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Эшсез казанлыларга 700дән артык вакансия тәкъдим ителгән

2014 елның 18 сентябре, пәнҗешәмбе

Бүген Казанның Вахитов районы халыкны эш белән тәэмин итү үзәге белгечләре Казанның төгәл машина төзү заводы бинасында вакантлы эш урыннары ярминкәсе уздырганнар. Әлеге чарада "Горводзеленхоз", "Метроэлектротранс", "Водоканал" муниципаль унитар предприятиеләре, Казанның "Электроприбор" ААҖ, "Лакомка" ААҖ, "Эскоффье" ҖЧҖ, шәхси эшмәкәр Бахтигозина, "Элит Сервис ИК" ҖЧҖ, "Бәхетле" ҖЧҖ, "Казан төгәл машина төзү заводы" вәкилләре катнашкан.

Эшсез гражданнарга 747 вакансия тәкъдим ителгән, шуларның 718е эшче һөнәрләр буенча булган. Чарага 412 кеше килгән. 30 дан артык кешегә вакантлы эш урыннарына юлламалар тапшырылган.

Ярминкә тәмамланганнан соң кадрлар хемәте белгечләре өчен семинар-киңәшмә уздырылган. Биредә хезмәт инспекциясе тарафыннан хезмәт законнары үтәлү-үтәлмәүне тикшерүләр барышында ачыкланган иң еш очрый торган тайпылышлар турында сөйләнгән. Семинарда 34 хезмәткәр катнашкан.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Республикада хезмәт хакын вакытында түләүне тәэмин итү буенча эш дәвам итә

Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

ЯҢАЛЫКЛАРГА ЯЗЫЛУ