Татарстан Республикасы Хезмәт, халыкны эш белән тәэмин итү һәм социаль яклау министрлыгы

"Гаилә" үзәгендә Балинт төркеме утырышы узды

2014 елның 15 августы, җомга

Шушы көннәрдә "Гаилә" гаиләгә һәм балаларга социаль ярдәм мәгълүмати-методик республика үзәге белгечләре Балинт төркеменең чираттагы семинарында "Социаль хезмәт күрсәтү учреждениеләре белгечләре өчен эмоциаль яну синдромын кисәтү" темасын карадылар. Семинарда катнашу өчен Татарстан Республикасы Хезмәт, халыкны эш белән тәэмин итү һәм социаль яклау министрлыгының Казан зонасына керүче гаиләгә һәм балаларга социаль ярдәм бүлекчәсе психологлары чакырылган иде.

"Гаилә" үзәге өлкән методисты Татьяна Палачева билгеләгәнчә, яну төрле сәбәпләр аркасында барлыкка килә: ресурслар кимү, чамадан тыш эмоцияләр кичерү, дөрес булмаган өметләр комплексы белән яшәү.

Семинар барышында психологлар шулай ук арт-терапия техникасын, сенсор бүлмәсен, НЛП техникасы мөмкинлекләрен дә карап киткәннәр.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ