Хәйрия дәресләре

2007 елның 5 марты, дүшәмбе
Яшел үзәннең “Родник” гайләләргә һәм балаларга социаль ярдәм күрсәтү үзәге белгечләре, “Форпост” студентлар оешмасы активистлары белән берлектә, №16-гимназиянең өлкән сыйныф укучылары өчен “Хәйрия дәресләре” оештырдылар.
Үсмерләрнең хәйриячелеккә карата мөнәсәбәтен ачыклау максатыннан, үзәкнең социологы һәм психологы махсус анкета әзерләгәннәр һәм балалар белән әңгәмә уздырганнар. Хәйриячелекнең асылы нидә? Кемгә, ничек ярдәм күрсәтергә мөмкин? Барлык сорауларга да бергәләп җавап эзләгәннән соң, үсмерләр шундый фикергә килделәр: әлеге процесс һәркем өчен уңышлы: хәйрия ярдәме күрсәтеп күңел тынычлыгы алучылар өчен дә, әлеге ярдәмне кабул итүчеләр өчен дә. Шулай ук, укучылар, танылган хәйриячеләр турында да искә алдылар, һәм әлеге эшкә үзләренең дә катнашырга теләкләре булу хакында сөйләделәр.
     “Форпост” активистлары азкеремле гайләләргә, инвалидларга күрсәткән ярдәмнәре, авыр холыклы яшүсмерләр белән эшләүләре, иҗтимагый урыннарда тәртип саклау буенча башкарган гамәлләре хакында тәҗрибә уртаклаштылар. “Общественная инициатива – 2006” республика күләм конкурсы проекты кысаларында, әлеге активистлар төрле бәйрәмнәр, спартакиадалар, түгәрәк өстәлләр, яшьләр һәм үсмерләр өчен төрле фестивальләр үткәрәләр. Дәрес азагында балалар Тереза ана шигырен тыңладылар. Мөгаен әлеге шигырь һәркемне, тагын бер кат хәйриячелек, изгелек турында уйланырга мәҗбүр иткәндер.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International