Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Норлат “Гармония” үзәге карамагындагы балаларга янгын куркынычсызлыгы хакында сөйләгәннәр

2014 елның 29 апреле, сишәмбе

Бүген Норлат “Гармония” халыкны социаль тәэмин итү компекслы үзәге педагогы Гөлкәй Шакирова һәм психолог Камилә Мәхмүтова тарафыннан Россия янгын сагы көненә багышланган чара үткәрелгән. Бирегә патронаттагы гаиләләрдәге балалар чакырылган.

Әлеге укуларның максаты янгын очракларын кисәтү, балаларда янгыннан курку хисен тәрбияләү, янгын вакытында электр җиһазлары һәм көнкүреш приборлары белән сакчыл эш йөртергә өйрәтүдән гыйбарәт булган.

Белгечләр билгеләвенчә, укуларда катнашкан әлеге балалар “куркыныч төркеменә” керүче гаиләләрдә тәрбияләнәләр. Аларның әти-әниләре тәрбия эшенә җитди карамый. Нәкъ менә шуның өчен әлеге чараны үткәрү әлеге төр балигъ булмаган гражданнарны тәрбияләүдә мөһим роль уйный да инде.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

ЯҢАЛЫКЛАРГА ЯЗЫЛУ