“Язгы мәрхәмәт” атналыгы кысаларында Кукмараның “Тылсым” халыкны социаль тәэмин итү комплекслы үзәге белгечләре “Чиста күңел- чиста планета” дигән акция оештырганнар. Бу көнне Туган ил азатлыгы өчен һәлак булганнар истәлегенә һәйкәл һәм обелиск җирлекләрен чистарту буенча өмә үткәрелгән. Өмәдә “Тылсым” үзәге педагогы М.Әхмәдиева җитәкчелегендә 3 нче мәктәпнең 9 нчы сыйныф укучылары да катнашкан. Экологик марафонга шулай ук 4 нче мәктәпнең 7 нче сыйныф укучылары да битараф калмаган.
Белгечләр сүзләренә караганда, мондый акцияләр балаларда туган илгә карата мәхәббәт һәм җаваплылык хисе тәрбияләргә ярдәм итә.