Хисап атнасында 1 төркемле, 6 үлем белән тәмамланган һәм 7 авыр бәхетсезлек очрагы теркәлгән

2014 елның 8 апреле, сишәмбе
Татарстан Республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. Татарстан Республикасының Дәүләт хезмәт инспекциясе мәгълүматына  караганда, 31 нче марттан  4 нче апрельгә чаклы 6 үлем белән тәмамланган, 7 авыр һәм 1 төркемле  бәхетсезлек очрагы теркәлгән.
Хисап атнасы өчен беренче үлем очрагы 28 нче март көнне теркәлгән. Торак йортның төзелеш мәйданчыгында йөргәндә "КазанЭлектроТөзелеш" ҖЧҖ хезмәткәре башын җәрәхәтли.
Шул ук көнне Питрәчтә урнашкан  "Спецстрой" ҖЧҖ хезмәткәре дә үлә. Фундамент панельләре төшү нәтиҗәсендә ул күпсанлы тән җәрәхәтләре ала.
Өченче үлем белән тәмамланган очрак 31 мартта була. "Җиңү проспекты урамындагы торак комплекс" төзелеш объектында "Доминантус" ҖЧҖ субподряд оешмасы хезмәткәре 7 нче каттан еглып төшә.
1 нче апрельдә Кукмара аграр көллияте хезмәткәре йоклаган вакытта үлеп китә.
2 нче апрельдә  Яр Чаллының  "Татэлектромаш"  ЯАҖ хезмәткәре эш өстәле артында  үлә.
Соңгы үлем белән тәмамланган очрак "Кеннард-НК"  оешмасының Түбән Кама филиалында теркәлгән. Хезмәткәр территорияне карап чыккан вакытта  үлеп китә.
Хисап атнасында шулай ук 7 авыр бәхетсезлек очрагы теркәлгән.  17 март көнне күнекмәләр ясаган вакытында Казанның 14 нче гимназия хезмәткәре күзен җәрәхәтли.
Икенче авыр бәхетсезлек очрагы 20 март көнне булган. Яр Чаллының "14 нче комплекс" ҖЧҖ хезмәткәре сантехника хезмәте бинасында ябык баш сөяге-ми җәрәхәте ала.
24 нче мартта Казанның "Теплоконтроль" ААҖ эшчесе зыян күрә. Баскычтан менгән чакта хезмәткәр егылып китә һәм нәтиҗәдә баш мие җәрәхәте ала.
Дүртенче авыр бәхетсезлек очрагы 25 мартта "Татнефть-АкБарс" СКП ҖЧҖ хезмәткәре ит көпшәкләгечтә эшләгән чакта ике кулын да нык кына җәрәхәтли.
Икенче көнне исә     "Тукаевский водоканал"  ҖЧҖ агач кискән чакта егылып төшә.
27 нче мартта савым сыерлары төркемен куган чакта бер сыер Әгерҗе районы "Нәүрүз" ҖЧҖ  савымчысына тибеп җибәрә.
Соңгы җиденче очрак "Норлат деликатеслары" ҖЧҖдә була. Эретеп ябыштыру эшләрен үткәргән чакта казылык цехында  хезмәткәр биектән егылып төшә.
Төркемле очрак исә 2 нче апрельдә теркәлгән. Иркутск өлкәсе Катын районындагы скважинага барган чакта юл-транспорт һәлакәте була.  Биредә Әлмәт районының "ТНГ-АлГИС" ҖЧҖ хезмәткәрләре төрле дәрәҗәдәге травмалар ала.
Хәзерге вакытта барлык очраклар буенча да тикшерү эшләре бара.
Министрлыкның матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International