Зәйнең "Шатлык" үзәге карамагындагы кешеләргә законнардагы үзгәрешләр хакында сөйләгәннәр

Зәйнең "Шатлык" халыкны социаль  тәэмин итү үзәге каршындагы социаль-тернәкләндерү бүлеге  карамагындагы кешеләр өчен хокукый чара булып узган. Аларга социаль өлкәдәге законнар үзгәреше хакында сөйләгәннәр. Әлеге чара өлкән яшьтәге кешеләр һәм инвалидларның хокукый белем дәрәҗәсен күтәрү максатларыннан чыгып үткәрелгән.
Бу көнне, аерым алганда, "Россия Федерациясендә гражданнарны социаль тәэмин итү нигезләре турында" дигән закон кабул итү хакында сүз барган. Пенсионерларның хезмәт пенсиясе арту турында да сөйләп киткәннәр. Шул исәптән балалары булган гаиләләргә пособие, бала туганнан соң түләнә торган пособие күләме арту һәм башка сораулар турында әңгәмә оештырылган.