Кукмараның “Тылсым” үзәге белгечләре шартлы рәвештә ирегеннән мәхрүм ителгән ата-аналар белән сөйләшкәннәр

Бүген Кукмараның “Тылсым” халыкны социаль тәэмин итү комплекслы  үзәге белгечләре  УФСИН хезмәткәрләре белән берлектә шартлы рәвештә ирегеннән мәхрүм ителгән, шул ук вакытта  балалары да булган ата-аналарны очрашуга чакырганнар.  Бу көнне “Эчкечелек. Ул нәрсәгә китерә” дигән темага сөйләшү булып узган.  Социаль педагог А.Петрова эчкечелек хакында сөйләп киткән һәм бу темага видеофильм да күрсәткән.  Аны караганнан соң  педагог очрашуда катнашучылар белән кисәтү әңгәмәсе уздырган.