Алабуганың өлкәннәр һәм инвалидлар өчен интернат-йортында Яңа елга багышланган чараларга йомгак ясыйлар

Алабуганың  өлкәннәр һәм инвалидлар өчен интернат-йорты хезмәткәрләре сүзләренә караганда, алар биредә яшәүчеләр  Яңа ел килүен тойсын өчен күп көч куйганнар. Иң башта "Әйдә өйләнешәбез!" дигән чара уздырылган. Биредә бер кияү өчен өч кәләш көч сынашкан. Киләсе чараны "Балаларны нәфис тәрбияләү үзәге"нә йөрүче балалар уздырган.  Аннан соң Алабуга "Волонтер" отряды өлкәннәр өчен музыкаль чара оештырган. Яңа елда исә интернатта яшәүчеләр, үзләре костюмнар тегеп, Бал-маскарад үткәргәннәр. Раштуа һәм Иске яңа елга багышланган чаралар да бик күңелле узган биредә.