Волонтерларга каникуллар комачауламый

2014 елның 10 гыйнвары, җомга
Алабугада "Волонтер" Төбәкара доброволецлар хәрәкәте һәм "Лидер мәктәбе-2014"  шәһәр доброволецлар үзәге проекты эшли башлаган.  "Лидер мәктәбе" "Социаль менеджмент гамәли академиясе" дигән озакка исәпләнгән программа кысаларында ел дәвамында эшләячәк.  Әлеге проект ТР Министрлар Кабинеты гранты ярдәмендә тормышка ашырыла.
Беренче семинар узган инде. Биредә Алабуга һәм Яр Чаллы волонтерлары катнашкан. Алар өчен "Алабуга киче" газетасының  чыгару редакторы А.Перфильева "ММЧ белән эшләү һәм мәкаләләр язу технологиясе" дигән, ә Алабуга өлкәннәр һәм инвалидлар өчен интернат-йорт директоры Н.Сафронова  "Мөмкинлекләре чикле балалар белән ничек эшләргә?" дигән темага мастер-класслар уздырган.
Икенче көнне волонтерлар өлкән яшьтәге кешеләр өчен "Интеллектуаль викторина" үткәргәннәр.
"Лидер мәктәбе" "Академия геройларына" сертификатлар тапшыру тантанасы белән тәмамланган. Бу юлы геройлар дип Яр Чаллы егете Дмитрий Ерашов һәм алабугалылар Гадел Ситдыйков һәм Камилә Хәбибуллина танылган.
Киләсе сессия мартта булачак, дип хәбәр итә волонтерлар.
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International