«Изгелек» үзәгенең көндезге тору бүлеге карамагындагылар мемориаль комплекста булдылар

2026 елның 8 сентябре, сишәмбе

Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлегендә социаль хезмәтләр алучылар 8 сентябрьдә «Ватан-ана» комплексында булдылар.

Чараның максаты экстремизмны кисәтү һәм яшьләрне деструктив оешмаларга җәлеп итүгә каршы тору иде. Экскурсия барышында белгеч террорчылык идеологиясенә каршы көрәш турында әңгәмә үткәрде. Катнашучылар шикле предметларны табу һәм гадәттән тыш хәлләрдә гамәлләр алгоритмын кабатладылар.

Аннары яшьләр мемориаль комплексның матәм диварыннан махсус хәрби операция барышында һәлак булган геройларның исемнәрен укыдылар. Чара бер минут тынлык белән тәмамланды.

Чарада сигез кеше катнашты.