«Ышаныч» үзәгендә Россия халыклары телләре көненә багышланган дәрес узды
«Ышаныч» халыкка социаль хезмәт күрсәтү комплекслы үзәгенең көндезге тору бүлегендә 8 сентябрьдә «Безнең ил – безнең телләр» дигән чара булып узды. Чара «Менталь сәламәтлек» Идел буе федераль округы проекты кысаларында Россия халыклары телләре көнендә узды һәм Россия халыклары бердәмлеге елына һәм Татарстан Республикасында Хәрби батырлык һәм хезмәт фидакарьлеге елына багышланды.
Программаны социаль эш буенча белгеч Гүзәл Фәйзетдинова әзерләде һәм үткәрде. Катнашучылар артикуляцион күнегүләр башкардылар, Россия Федерациясендә яшәүче милләтләрнең күптөрлелеге турында фикер алыштылар.
Белгечләр билгеләп үткәнчә, мондый форматтагы даими чаралар социаль хезмәтләр алучыларны социализацияләүгә, коммуникатив һәм когнитив күнекмәләрне үстерүгә, шулай ук милләтара татулыкны ныгытуга ярдәм итә.