«Юлдаш» клубы карамагындагылар төрле телләрдә исәнләшергә өйрәнделәр
Бүген Биектау районының «Өмет» халыкка социаль хезмәт күрсәтү комплекслы үзәгендәге «Юлдыш» клубында Россия халыклары телләре көненә багышланган тематик чара узды. Бәйрәм итү көне очраклы гына сайланмаган: ул иҗаты мәдәни диалог символына әверелгән Дагыстанның халык шагыйре Рәсүл Гамзатовның туган көненә туры килә.
Дәресне гаиләгә һәм балаларга социаль ярдәм бүлегенең социаль педагогы Альбина Саттарова үткәрде. Очрашуда катнашучылар илнең лингвистик күптөрлелеге турында белделәр, милли костюмнарның иллюстрацияләрен карадылар һәм төрле телләрдә сәламләү вариантларын өйрәнделәр.
Аннары төрле халыкларның уеннары белән интерактив программа узды. Катнашучылар шулай ук республика флагларын буядылар. Чара бергәләп «Туган тел» шигырен башкару белән тәмамланды.
Мондый дәресләр Россия халыкларының телләрен һәм мәдәни мирасын саклауга, шулай ук милләтара бердәмлекне ныгытуга юнәлдерелгән.