Түбән Кама комплекслы үзәгендә социаль хезмәт алучы гаиләләр ат спорты мәктәбендә булдылар

2026 елның 7 сентябре, дүшәмбе

«Шәфкать» халыкка социаль хезмәт күрсәтү комплекслы үзәгендә хезмәт алучы балалар һәм ата-аналар өчен «Актай» ат спорты мәктәбенә экскурсия оештырылды. Чара гаиләләрнең файдалы ялын оештыру программасы кысаларында уздырылды.

Экскурсия барышында катнашучылар мәктәп эшчәнлеге белән таныштылар һәм ат абзарында булдылар. Балалар инструкторлар җитәкчелегендә атларны ашата һәм терлекләрне күзәтә алдылар.

Очрашу атта йөрү белән тәмамланды. Һәр бала остазлар күзәтүе астында атта йөрде.