Лениногорск районында булачак әниләргә дәүләт ярдәме чаралары турында сөйләделәр
2 сентябрь көнне «Исток‑Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре хатын-кызлар консультациясендә булачак әниләр өчен дискуссия үткәрделәр. Чара «Гаилә» милли проекты кысаларында узды.
Катнашучыларга йөкле хатын-кызларга һәм балалы гаиләләргә бирелгән пособиеләрнең төрләре турында сөйләделәр. Шулай ук ана капиталын куллану турындагы сорауларга җаваплар бирделәр, 2026 елда гаиләләргә мөмкин булган башка дәүләт ярдәме чаралары турында да фикер алыштылар.
Финанс мәсьәләләреннән тыш, гаилә традицияләре һәм аларның балаларны тәрбияләүдәге роле темасына да кагылдылар. Белгечләр өйдә җылы һәм ышанычлы атмосфера булдыру идеяләре белән уртаклаштылар. Булачак әниләр өстәмә мөмкинлекләр – ташламалар һәм хезмәтләр турында белделәр.