«Ышаныч» үзәгенең көндезге тору бүлегендә яһүд мәдәнияте белән таныштылар
26 августта Яр Чаллы шәһәренең «Ышаныч» халыкка социаль хезмәт күрсәтү комплекслы үзәге карамагындагыларга Мәләкәс аръягы микрорайонында урнашкан Синагогалы яһүд дини-мәдәни үзәгенә мавыктыргыч һәм танып белү экскурсиясе үткәрделәр.
Мәскәү раввиннар академиясен тәмамлаган раввин Хаим Давид кунакларны каршы алды һәм аңлаешлы формада аларга яһүд халкының тарихы, аның күп гасырлык традицияләре, дини йолалары һәм төп бәйрәмнәре турында сөйләде.
Экскурсия барышында социаль хезмәтләр алучылар үзәкнең эчке төзелеше турында күп яңалыклар белделәр.
Бу чаралар менталь тайпылышлы кешеләрне рухи-әхлакый яктан агартуда һәм уңышлы социаль адаптацияләүдә мөһим адым булды, бу Россия халыклары бердәмлеге елы дип игълан ителгән 2026 елда аеруча символик күренә.