Лениногорск районында «Илемнең өч төсе» акциясе узды
«Татарстанда җәй» төбәк проекты кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәге белгечләре Россия Федерациясе Дәүләт флагы көненә багышланган «Илемнең өч төсе» акциясе үткәрделәр.
Акциянең максаты – үсеп килүче буында һәм өлкән яшьтәге социаль хезмәтләр алучыларда патриотик кыйммәтләр, дәүләт символикасына хөрмәт һәм ил өчен горурлык хисе формалаштыру.
Чара барышында белгечләр яшүсмерләргә Россия триколорының барлыкка килү тарихы һәм аның һәр төсенең мәгънәсе турында сөйләделәр. Катнашучылар шулай ук тематик викторинада катнаштылар.
Социаль хезмәткәрләр ветераннарны һәм өлкән буын вәкилләрен котладылар, аларның ил үсешенә керткән өлешләрен билгеләп үттеләр, сәламәтлек, иминлек һәм тынычлык теләделәр.