Борчылуны киметү һәм тәнне ныгыту: «Менталь сәламәтлек» проекты «Ышаныч» үзәге карамагындагыларга ничек ярдәм итә
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә тәрбияләнүчеләрнең психик һәм физик иминлеге турында даими кайгырталар. Учреждение белгечләре социаль хезмәт алучыларга көн саен сәламәтлекләрен ныгытырга һәм эчке баланс табарга булышалар, бу исә Идел буе федераль округының «Менталь сәламәтлек» масштаблы иҗтимагый проектын гамәлгә ашыруның төп өлеше булып тора.
Бүгенге көн мондый комплекслы эшнең яхшы үрнәгенә әверелде. Матур һава торышыннан файдаланып, штат психологы Надежда Горячева «Табигать гармониясе» тренингын уздырды. Бу дәреснең төп максаты психоэмоциональ киеренкелекне киметү, агрессияне йомшак көйләү булды.
Психолог белән бергә терапевтик күнегүләр сериясен башкардылар. Психологик блоктан соң программа спорт мәйданчыгына күчте. Бүлек хезмәткәрләре озатуында социаль хезмәт алучылар җирле паркка юл тоттылар. Анда һәркем күңеленә хуш килгән урам тренажерын сайлый алды.
Мондый комплекслы якын килү үзәк карамагындагылар өчен бик зур әһәмияткә ия. Психологик практикаларны табигый терапия һәм физик активлык белән яраштыру тәрбияләнүчеләргә стресс белән көрәшергә ярдәм итә, эмоцияләр һәм тән өстеннән контрольне кире кайтара, шулай ук вак моториканы һәм координацияне үстерә.