Министрлык карамагындагы учреждениеләр Дөнья әйлән-бәйлән көне чараларына кушылды
Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы учреждениеләр Дөнья әйлән-бәйлән көненә багышланган чаралар үткәрделәр.
Россия халыклары бердәмлеге елы һәм «Гаилә» милли проекты кысаларында Югары Ослан өлкәннәр һәм инвалидлар интернат-йортында «Мәдәниятләр диалогы» музее катнашында акция узды.
Минзәлә халыкка социаль хезмәт күрсәтү комплекслы үзәге белгечләре «Татарстанда җәй» проекты кысаларында шәһәр халкы өчен бәйрәм оештырды. Программага халык уеннары һәм коллектив әйлән-бәйлән уйнау кертелгән иде. Чара азагында катнашучылар сыйлар алдылар.
Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә бәйрәм урам мәйданчыгында узды. Милли костюмнарда тәрбияләнүчеләр, ата-аналар һәм хезмәткәрләр әйлән-бәйлән уйнадылар һәм төрле мәдәниятләрнең гореф-гадәтләре белән таныштылар.
Алабуга өлкәннәр һәм инвалидлар интернат-йортында Россиянең төрле халыклары традицияләренә багышланган очрашу узды. Катнашучылар кулдан эшләнгән костюмнар һәм бизәнү әйберләре күргәзмәсен карадылар. Чара яшәүчеләр арасында дуслыкны һәм мәдәни алмашуны ныгытуга юнәлдерелгән иде.