Минзәлә комплекслы үзәгенең көндезге тору төркеме карамагындагыларга юл хәрәкәте кагыйдәләрен искә төшерделәр
4 августта Минзәлә районы халыкка социаль хезмәт күрсәтү комплекслы үзәге белгечләре көндезге тору төркемендә тәрбияләнүчеләр өчен «Калейдоскоп» чарасы үткәрделәр. Дәрес транспорт төрләрен өйрәнүгә багышланды.
Программа психолог Татьяна Шереметьева җитәкчелегендә нейрогимнастик күнегүләрдән башланды. Бурычлар комплексы вак моториканы үстерүгә, игътибарны һәм хәтерне туплауга юнәлдерелгән иде.
Аннары гаилә белән эшләү буенча белгеч Инзилә Шакирова җир өсте, һава, су һәм җир асты транспорты турында интерактив дәрес үткәрде. Аерым блок юл хәрәкәте иминлегенә багышланды.
Дәреснең практик өлешендә социаль хезмәтләр алучылар пластилиннан модульле лепка техникасында транспорт модельләрен ясадылар. Чара алган белемнәрне иҗади формада ныгытырга мөмкинлек бирде.