«Өмет утравы» үзәге «Гаилә» милли проекты кысаларында «Хатирәләр терапиясе» методикасын кертә
Югары Ослан районының «Өмет утравы» халыкка социаль хезмәт күрсәтү комплекслы үзәге социаль хезмәткәрләре үз практикаларында инновацион методикаларны актив кулланалар. Эш «Гаилә» милли проектын гамәлгә ашыру кысаларында алып барыла.
Төп коралы «Хатирәләр терапиясе» методикасы булды. Ул дәресләр барышында шәхси тарихларны, фотографияләрне һәм истәлекле әйберләрне куллануны күздә тота. Мондый алымның максаты – социаль хезмәтләр алучыларның тормыш сыйфатын яхшырту, уңай хис-кичерешләрне стимуллаштыру һәм когнитив функцияләргә ярдәм итү.
Дәрес барышында катнашучылар фотоальбомнар карыйлар, үткән тәҗрибә турында фикер алышалар һәм тиешле чор музыкасын тыңлыйлар. Методиканы куллану үткәннәр белән эмоциональ бәйләнешне торгызуга, үз-үзеңне бәяләүне арттыруга һәм өлкән яшьтәге гражданнар өчен психологик уңайлылык тәэмин итүгә юнәлдерелгән.