28 июльдә Татарстан Республикасының барлык тернәкләндерү үзәкләрендә ачык гаилә көннәре узды. Әлеге чараларда, ата-аналарны һәм сәламәтлеге мөмкинлекләре чикләнгән балаларны да кертеп, 260 кеше катнашты.

Авыр тормыш хәлендә калган балаларга ярдәм фондының «Перезагрузка» әниләр өчен мәктәп төзү» проекты кысаларында «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Алия Нигъмәтҗанова инвалид балалар тәрбияләүче ата‑аналар өчен «Минем ресурсларым» дәресе үткәрде.

Яр Чаллыдагы «Изгелек» инвалидларны тернәкләндерү үзәгендә Россия халыклары бердәмлеге елы кысаларында Дуслык көне узды. Чараның максаты дустанә мөнәсәбәтләрне ныгыту, үзара ышанычны арттыру һәм катнашучыларны төрле илләрнең мәдәниятләре белән таныштыру булды.

Югары Ослан районында муниципаль социаль-тернәкләндерү консилиумының чираттагы утырышы узды. Эштә профилактика системасы органнары вәкилләре катнашты – алар социаль куркыныч хәлдә булган гаиләләр белән нинди эш башкарулары турында хисап тоттылар.