«Шәфкать» үзәге белгечләре планлы ведомствоара рейд үткәрде
Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре балигъ булмаганнар эшләре буенча инспектор катнашында планлы ведомствоара рейд үткәрделәр.
Тикшерүнең максаты – гаилә иминсезлеге билгеләрен иртә ачыклау һәм асоциаль тотышны профилактикалау.
Рейд барышында төркем 12 гаиләдә булды, ата-аналар белән индивидуаль әңгәмәләр үткәрде. Тәрбия мәсьәләләреннән тыш, өлкәннәргә балалар хокукларын һәм мәнфәгатьләрен яклау бурычларын үтәмәгән өчен административ һәм җинаять җаваплылыгы турында искә төшерделәр. Террорчылыкка каршы куркынычсызлыкның база кагыйдәләренә аерым игътибар бирелде.
Рейд нәтиҗәләре буенча махсус контрольгә куюны таләп итүче адреслар исемлеге төзелде.