Алабуга интернат-йортында өлкәннәргә активлыкларын сакларга һәм иҗади мөмкинлекләрен ачарга ярдәм итәләр
Алабуга өлкәннәр һәм инвалидлар интернат-йортында яшәүчеләрнең интеллектуаль, танып белү һәм эмоциональ активлыгын саклауга аерым игътибар бирелә. Моның өчен биредә даими рәвештә үстерү дәресләре үткәрелә – алар өлкән яшьтәге кешеләр турында кайгырту программасының мөһим өлешенә әверелде.
Пазл, мозаика җыю һәм конструкцияләү кебек уен күнегүләре бик популяр. Мондый дәресләр вак моториканы күнектереп һәм хәрәкәтләр координациясен яхшыртып кына калмый, эмоциональ киеренкелекне бетерергә дә ярдәм итә, уңай эмоцияләр дә бирә.
График диктантлар аеруча файда китерә: алар күрү‑мотор координациясен ныгыта, бер уңайдан игътибарны, хәтерне һәм фикерләүне активлаштыра.
Пластилинография – пластилиннан күләмле картиналар ясау техникасы ял итү программасында аерым урын алып тора. Бу арт‑терапиянең махсус әзерлек таләп итми торган аңлаешлы төре.
Алабуга интернат-йортында барлык активлыклар «Актив озын гомерлелек» программасы, шулай ук «Гаилә» милли проектының озак вакытлы карау системасы чаралары кысаларында уза.