Нурлат районының «Гармония» үзәге яшьләренә юл хәрәкәте кагыйдәләрен искә төшерделәр

2026 елның 16 июле, пәнҗешәмбе

Нурлат районының «Гармония» халыкка социаль хезмәт күрсәтү комплекслы үзәгендә юл хәрәкәте иминлеге буенча дәрес узды. Чараны гаиләгә һәм балаларга социаль ярдәм бүлекчәсе белгечләре, профилактика бүлеге җитәкчесе Гөлфия Гыймалтдинова белән берлектә, балигъ булмаган социаль хезмәт алучылар һәм аларның ата-аналары өчен оештырдылар.

Дәрес барышында катнашучылар юлларда куркынычсызлык кагыйдәләрен кабатладылар, белгечнең сорауларына җавап бирделәр һәм тематик уеннарда катнаштылар.

Чара ахырында һәр катнашучыга мәгълүмати материаллар тапшырылды.