«Шатлык» үзәге белгече юл хәрәкәте кагыйдәләрен үтәүнең мөһимлеге турында әңгәмә үткәрде
Теләче районы «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Ләйсән Хөсәенова социаль хезмәт алучылар белән җәй көне юл хәрәкәте кагыйдәләрен үтәү турында әңгәмә үткәрде.
Чара кысаларында ул искәрткәнчә, җәяүлеләр юлны тиешле урыннарда гына кичәргә, тротуарлар буйлап хәрәкәт итәргә, ә алар булмаган очракта юл кырыеннан, хәрәкәт итүче транспортка каршы барырга тиеш.
Моннан тыш, ул велосипед белән идарә итү кагыйдәләре, яктылыкны кире кайтара торган элементларны йөртү кирәклеге, шулай ук велосипедчылар җәрәхәтләр ала торган куркыныч хәлләр турында сөйләде.
Белгеч ата-аналарны балаларның иминлегенә зур игътибар бирергә, көн саен аларга юлларда һәм ишегалды территорияләрендә үз-үзеңне тотуның төп кагыйдәләрен аңлатырга өндәде.