Яр Чаллы тернәкләндерү үзәгендә автор җырлары кичәсе уздырдылар

6 июльдә Яр Чаллы шәһәренең «Изгелек» инвалидларны тернәкләндерү үзәгендә композитор, бард, автор җырларын башкаручы, республика, шәһәр һәм төбәк җыр иҗаты фестивальләре лауреаты һәм дипломанты Людмила Ткачукның кичәсе булды.

Чара Россия халыклары бердәмлеге елы кысаларында, гаилә мөнәсәбәтләренең һәм шәхесара аңлашуның кыйммәте турындагы күзаллауларны ныгыту максатында оештырылды.

Кунак шәһәр җыр культурасы репертуарына кергән композицияләрне башкарды. Программада гаиләгә, ата-аналарга һәм балаларга багышланган әсәрләр, шулай ук туган як турында җырлар бар иде.

Кичә барышында катнашучылар автор композицияләрен тыңлап кына калмадылар, иҗат процессына да актив кушылдылар. Чараның атмосферасы ачык аралашуга ярдәм итте: кайбер социаль хезмәт алучылар үзләренең шигырьләрен укырга батырчылык итте.