«Ышаныч» үзәгенең көндезге тору бүлеге карамагындагылар футбол клубында булдылар
«Ышаныч» халыкка социаль хезмәт күрсәтү комплекслы үзәгенең көндезге тору бүлеге хезмәткәрләре «КАМАЗ» футбол клубына экскурсия оештырды. Чара Яр Чаллы шәһәренең 400 еллыгына, Россия халыклары бердәмлеге елына һәм Хәрби батырлык һәм хезмәт фидакарьлеге елына багышланган.
Экскурсияне бүлек мөдире Лилия Ситдыйкова оештырды. Ә клубның генераль директоры Андрей Федоров очрашу үткәрергә булышты.
Клубның матбугат атташесы Фидаил Ганиев кунакларны учреждение территориясе буйлап уздырды. Социаль хезмәтләр алучылар VIP залда, конференц-залда һәм команданың чишенү бүлмәсендә булдылар. Программаның үзәк өлеше футбол кырына чыгу булды, анда кунаклар профессиональ туп белән уенда катнаша алды.
Экскурсия вакытында Фидаил Ганиев клуб тарихы, аның казанышлары һәм яуланган кубоклар турында сөйләде.