Тернәкләндерү үзәкләрендә ачык гаилә / ата-ана көннәре дәвам итә
Чираттагы ачык гаилә / ата-ана көннәре кичә Татарстан Республикасының барлык тернәкләндерү үзәкләрендә узды. Анда 277 кеше катнашты. 2026 елның беренче алты аенда мондый очрашуларда инде 1 604 кеше булган.
Проект социаль ярдәм чаралары турында мәгълүмат бирүгә һәм мөмкинлекләре чикләнгән балалар тәрбияләүче гаиләләрнең үзара хезмәттәшлеге өчен мәйданчык булдыруга юнәлдерелгән.
Чараларда тернәкләндерү үзәкләре белгечләре, шулай ук сәламәтлек саклау, мәгариф учреждениеләре, мәшгульлек үзәкләре һәм иҗтимагый оешмалар вәкилләре катнашты.
Алдагы ачык гаилә көннәре 28 июльгә планлаштырылган. Катнашу өчен алдан телефон яки электрон почта аша язылырга кирәк. Барлык тернәкләндерү үзәкләренең контакт мәгълүматлары Татарстан Республикасы Хезмәт, халыкны эш белән тәэмин итү һәм социаль яклау министрлыгы сайтында бар (https://mtsz.tatarstan.ru/service.htm).