«Көмеш» яшь – яңа мөмкинлекләр вакыты
Авиатөзелеш районы өлкәннәре өчен «Көмеш» яшь! Тормыш яңача ачыла!» иҗади очрашуы уздырылды. Чараны Казан шәһәренең социаль хезмәт күрсәтү комплекслы үзәгенең өйдә социаль хезмәт күрсәтү бүлеге белгечләре Авиатөзелеш районының сугыш һәм хезмәт ветераннары (пенсионерлар) Советы белән берлектә, «Актив озын гомерлелек» программасы кысаларында оештырды.
Өлкән буын вәкилләре аралашу һәм иҗади үсеш өчен очраштылар. Программаның төп өлешенә нәфис-гамәли иҗат буенча «көмеш» волонтерлар үткәргән мастер-класс кертелгән иде. Тәҗрибәле остазлар җитәкчелегендә катнашучылар савыт-сабаларны бизәделәр һәм кул эшләре өчен материаллар белән эшләделәр.
Мондый чаралар өлкән яшьтәге гражданнарның активлыгын саклап калуга, когнитив сәләтләрен үстерүгә һәм социаль хезмәттәшлеген киңәйтүгә ярдәм итә.