Яшүсмерләрне Интернетта үз-үзләрен куркынычсыз тотарга өйрәтәләр
«Яшүсмер» операциясен һәм балигъ булмаганнар арасында хокук бозуларны профилактикалау программасын гамәлгә ашыру кысаларында Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече Инзилә Шакирова социаль участокларда «Интернетта тыелган контентны тарату өчен җаваплылык» акциясе үткәрде.
Чараның максаты – цифрлы куркынычсызлык өлкәсендә яшүсмерләрнең һәм аларның ата-аналарының хокукый грамоталылыгын арттыру.
Акциядә катнашучыларга тыелган контент төрләре, тыелган мәгълүматны тарату өчен җаваплылык, Интернетта куркыныч контент табылганда эш итү алгоритмнары турында мәгълүмат бирелде. Чара йомгаклары буенча катнашучылар мәгълүмати материаллар – белешмәләр һәм цифрлы куркынычсызлык буенча буклетлар алдылар.