Яр Чаллыда карау мәктәпләре белгечләре өчен методик практикум узды
23 июньдә Яр Чаллы шәһәренең «Ышаныч» халыкка социаль хезмәт күрсәтү комплекслы үзәгендә «Старость в радость» хәйрия фондының өйдә хезмәт күрсәтү буенча эксперты Оксана Авдеева катнашында методик практикум узды.
Тыңлаучылар Татарстан Республикасы халыкка социаль хезмәт күрсәтү комплекслы үзәкләренең өйдә социаль хезмәт күрсәтү бүлекчәләренең социаль эш буенча белгечләре булды, алар «Карау мәктәбе» стационарны алмаштыра торган технология кысаларында укыту чараларын үткәрү өчен җаваплы.
Практикум интерактив форматта узды: белгечләр тәҗрибә уртаклашты, практикадан стандарт булмаган хәлләр турында фикер алышты һәм эксперт тәкъдимнәрен алды.
Бу методик практикум Татарстан Республикасының социаль хезмәткәрләре өчен стационарны алмаштыра торган технологияләрне үстерүгә һәм социаль ярдәмгә мохтаҗ гражданнарның тормыш сыйфатын яхшыртуга ярдәм итә торган мөһим вакыйгага әверелде.