«Ышаныч» үзәгендә балта остаханәсендә тематик дәрес оештырылды

2026 елның 24 июне, чәршәмбе

Россия халыклары бердәмлеге елы һәм Татарстан Республикасында игълан ителгән Хәрби батырлык һәм хезмәт фидакарьлеге елы кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәт алучылар өчен балта остаханәсендә Гаилә, мәхәббәт һәм тугрылык көненә багышланган чара оештырылды.

Дәресне бүлек мөдире – остаханәгә нигез салучы Лилия Ситдыйкова үткәрде. Аның тырышлыгы белән ике елдан артык яшьләр балта остасы эшенең, йорт һәм көнкүреш өчен агач эшләнмәләр ясауның нигезләрен үзләштерәләр.

Дәрес барышында яшьләр мәхәббәт символы булган парлы күгәрченнәрнең гипс сыннарын акрил буяулар белән бизәделәр. Иҗат процессына социаль хезмәтләр алучыларның ата-аналары да кушылды.