Юл хәрәкәте кагыйдәләрен кабатлау – балалар иминлегенең мөһим өлеше
Юл хәрәкәте иминлеген арттыру стратегиясен, «Яшүсмер» операциясен һәм «Татарстанда җәй» проектын гамәлгә ашыру кысаларында Арча районы «Шәфкать үзәге» халыкка социаль хезмәт күрсәтү комплекслы үзәге белгечләре профилактика субъектлары белән берлектә социаль хезмәт алучылар һәм балигъ булмаган балалар өчен чара оештырды. Очрашу юл хәрәкәте кагыйдәләре нигезләренә өйрәтүгә юнәлдерелгән программаның мөһим өлешенә әверелде.
Чараның төп максаты – юлларда балаларның иминлеген тәэмин итү һәм яшь җәяүлеләр һәм велосипедчылар катнашында юл-транспорт һәлакәтләрен булдырмау.
Катнашучылар юлда үз-үзеңне тоту кагыйдәләре, светофор сигналларын үтәүнең, җәяүлеләр кичүләреннән урамнарны кичүнең һәм велосипедта йөргәндә саклагыч шлемнар куллануның мөһимлеге турында белем алдылар.